職業男性

CM兄，其實薯仔覺得自己係over-paid既一群。自問本無專長，讀書亦不覺特別聰明，如果不是當年那鬼佬見薯仔乜野都唔識都肯請，天真既笑容以為係自信既表現，薯仔自問今日好可能隨波逐流去做financial sales。



-----------------------------------------------



大家對一樣野越無知，越肯比得貴去請人地做。



然而，如果一樣野，貨品或服務，係貴到不合乎常理，就自然會有競爭者。



好似，當年ps既老翻一開始係賣一百蚊兩至三隻，呢條水都唔知為果陣既社團賺幾多錢。但係當各社團都掌握呢個技術時，一百蚊八隻我都見過。。。甚至乎之後有"彩牒"，有壞包換等既服務。。。



薯仔呢行都當然係。其實大家出黎既product，本地細公司同大公司出黎既實在係差唔多，但係點解人地會比多咁多錢去養薯仔呢個自覺over-paid既人？薯仔歸納自己一路以黎既經驗。。



一) 個客對我地做既野完全唔清唔楚，見我地收咁貴反而有信心。

二) 如果我地做錯野就好大鑊，所以個客寧願比貴d買個安心。

三) 本地公司因為要鬥平唔係鬥質素，將貨就價，導致質素變得更差，做錯大/小事，令個客更無信心。。。。



可以咁講，薯仔有時見到細公司既quotation，都會諗：佢地咁做，連office既租都未必比得起喎!



當然，要令到個客心悅誠服去比錢你洗，有時我地都要做一d野去令到個客覺得我地competent。。。



一) 易地而處。呢個好重要。唔可以將自己既一套係唔係都質落個客到，要了解個客。



失敗例子：薯仔前排又比一個insurance agent打黎煩。因為佢係煩薯仔既同事去比個電話佢，個insurance agent理應知道薯仔係乜水，做邊行等等。。。然而佢打黎自係重覆又重覆公司教佢講既說話，唔講佢有乜野可以impress到我既地方(甚至連佢自己係乜野公司都無講，只係話我係同事A既financial planner)，亦唔講點解我要幫襯佢，只係不停咁講令我覺得煩。。。。


-------------------------------

唔講職業住。

近排電視報紙經常都會報到有關奧運既新聞。

當中既民族主義，令我有少少吃驚。

係唔係文革之後既後遺症？

如果我唔係中國人，我睇呢班人會覺得好笑。但係我係中國人，以家我睇落去覺得痛心。

開頭我都唔信陶傑係一個真係愛中國既人，但係當我有一次都比人話係走狗時(薯仔只係話南京大屠殺幾十萬人當然係唔岩，但係我地都要悼念同記住共產時死既唔知幾多百萬定千萬既人，同六四時為追求自由同反腐敗而死既人，國共兩邊互殺既人，被中國滅族既人。。。)，我開始有d明白陶傑既感覺。。。。

--------------

再講。以家大家去銀行要小心d，因為個個都會介紹一d如賭場既產品比你(i kill you later, they kill you later 果d已經唔洗再講)，而我之前只係去申請一張信用卡，都被個職員煩。。。

Wake up!(2)

先多謝仲有三位朋友過黎捧場!

---------------------------------------

我想再講下職場既野先。

薯仔之前提過話唔想自己實際上係做乜，因為行頭太窄，如果係同行就有可能知道薯仔真身係邊個。

為左增強呢篇blog既說服力，薯仔可以講，其實薯仔係做緊中環某種既"professional service"。

所謂professional，即係我識你唔識(eg醫生，律師，水喉佬etc)，咁我收得既錢，除左我既勞力外，仲有既係知識。

講話service，就即係唔同trading，個客係唔知我地個cost，asymmetric information比較嚴重。

------------------------------------

薯仔入黎間公司時，佢地間接同我講過employment既意義。。我地係employee，即係我地係收錢去做一d我地唔想去做既事。

薯仔做既工種，表明風光，做present，開會時個個睇落去都係一表人才，喳benz，搵阿二。。。

但係，我成日都掛一句話係口邊。。如果真係咁好做，就大把人做啦，幾時輪到我？

君不見今時今日既醫生，當年入醫要差唔多科科A，但係以家出黎可能做既就係係一間連鎖式醫務所，一日睇幾十個傷風感冒，以家睇返轉頭，佢地搵既錢應該唔夠當年佢地從商既同學多。

我唔係話唔尊敬做醫生呢種職業，甚至我覺得佢地好叻。。呢篇既角度淨係講錢。

做得越耐，發覺做一行，除非你係自己做生意有D細既幫你搵錢，否則就一定要做大行(做地產，唔通有新紅雞唔做做UNLISTED既，有匯豐唔做做創興)。

薯仔有呢種感覺，係因為薯仔做既professional service，都有一定數目既同行。有時薯仔同d客講數話要收幾錢時，佢地都會用其他同行既fee proposal去壓薯仔價。由於薯仔做既公司係同行中既名聲都有數一數二，咁收得既價都係數一數二。

最誇張既一次，係有一次個客覆返薯仔既proposal時，佢話我地個價貴過本地公司一百倍! (貴十倍八倍就周時都係，貴一百倍就係第一次聽) 正當薯仔以為呢單生意唔洗做時，佢地竟然又肯用返我地!

所以，人係犯賤既，如果自己對某樣野乜都唔識，係貴好過平既情況之下，如果資源容許就通常都揀個貴既。

講到呢度，就可以見到公司既名氣同盈利能力掛勾，其實薯仔做既野同果間本地無名氣既公司唔會爭太遠，但係就可以收多人地一百倍既價錢。

咁係咪話，薯仔會好嘆？當然唔係啦! 如果我收既錢同付出唔成正比，就即係我overpaid，一份工overpaid，就自然會多人爭，咁薯仔人工都唔慌高。。。。

收得人地呢個價錢，就自己要比人地睇到我地最"professional"既一面。平時傾野時當然要表現到好似好competent咁，開會時西裝骨骨精神奕奕(實際薯仔諗緊陣間lunch食乜)，甚至乎如果個客係煩時，更加要拋出一d我識佢唔識既野去等佢地收聲。

就好似睇醫生咁。你睇個街口八十蚊既，你就預左佢睇得求其。去養和就自然唔同d。

下個blog再講下薯仔點樣睇落去似值咁貴。

Wake up!

訓左五個多月，期間想寫既blog完全無寫過(又一次決而不行)，因為想為自己留多點回憶(卻又想多點sharing)，所以決定將呢到重開!

將題目名稱改作wake up，是有原因的。

朋友讀到這裡時，請試問自己，有無試過比人嗌"wake up!"？事業又好，感情又好，薯仔有時會在洗手間裡，用凍水拍臉，在心中這樣嗌著自己。呢篇，先講事業。

以家睇返薯仔之前寫既blog，我都有透露過自己既年齡。一個正值在社會搏殺了兩年多的年青人，薯仔相信，每一個年青人怎都會和身邊的人比較一下。正如，身邊一些好朋友，在求學時期下好像不理世事一般，然而現在都會為前途(實則上是搵錢)落後於他人下擔心不而。

我在三四個星期前，和數個中學時期的朋友晚餐。他們雖然說不上知心，但都算是無所不談。我們由八時多吹水食飯到十一時多，然後還覺得意猶未盡，去了一間樓上cafe再喝再談。

席間，和薯仔一個比較要好的朋友(男性)，之前失業多時，已經比人"關心"了多少次。現在找到一份temp job，但他的"前途"問題仍是當日cafe夜聚的重要話題。

當日他辭職時，仍是一副學生時無憂無慮的臉孔，高高興興的。而現在，他眉頭間多了點愁緒。

邊喝邊談，另外兩位朋友好像要替他想他的終身職業般。我的好朋友卻又因為不是一個商業人才，又有點名牌大學畢業的自尊，對很多option都覺得不太可行。

"唉，你地唔好逼佢啦。"薯仔吐出這句說話。

在一個朋友迷失的時候，薯仔只會選擇靜靜的坐在他身旁，在他有決定時，默默的支持他。沒有人比當時人更清楚那個選舉會對自己更好的。

----------------------------------------------------------

電視一個香港電台的節目，評論香港的教育制度。

香港的教育，是一份大project，要係唔同phase，完全個client既要求。

做呢份project，可以有唔同approach。

薯仔揀既approach，就係最練精學懶既approach。

一個最懶既人，係呢份project之上，用腦會用得最多。

正式宣佈盡入睡眠模式

各位係薯仔咁耐無update過都仲肯入黎既朋友，薯仔心入面係感激你地既支持。。。但係天下無不散之筵席。。。薯仔經過考慮後，覺得現階段既我唔想再用"薯仔"呢個身份去繼續寫落去。

最大既原因，係薯仔想用另一個身份，係一個更無人知既地盤，去做一D薯仔覺得係會比較有意義既事。

多謝各BLOG友，尤其CM兄同AK兄對薯仔既支持，無左一個咁既地盤，同無AK兄既教路，薯仔之前既生活都唔會咁愉快。以家薯仔同狼女既鬥爭已經無咁激烈，同埋由於薯仔已有離心，薯仔亦預計不久既將來都會轉工，薯仔一副本死無大害既心態，反而得到一點點放鬆。關心薯仔既朋友，你地放心，薯仔過得好好的。。。。

祝各BLOG友心想事成，萬事勝意。。。。

做偶像

呢排roadshow既疲勞轟炸，加上前排睇到方力申既現場演出，令我終於打出呢篇我想打好耐既文。。。。就係，如果我係方力申，我會唔會做以家既方力申？

--------------------------------------

先此聲明，以薯仔既樣貌身材(身材如果操返一年半載可能會好D掛)，係絕無可能投身演藝界，以下既所有文都係假設性。。。。揀方力申，只係因為佢年齡同薯仔差唔多，而直到以家，都仲有薯仔既朋友或者同事以認識方力申/同佢方力申做過同學食過飯為榮。

---------------------------------------

其實，當去到港大時，我係方力申既話，我都會出黎唱歌搏一搏。

始終，純講職業，演藝界係好需要天賦先做到既，以薯仔既性格，有個咁既機會係眼前，我知道我唔試下一定會後悔。結果開頭都好好，一陣間又話買車，又話諗住換樓，又真係幾有前途咁喎。。 。

但係過左咁多年，我可能會有D後悔。。。。

做演藝界好難轉行既。。 。。做左咁多年，應該都明白自己唔係天生食呢行飯。唱歌咁多年黎都係差唔多，拍落去金牌咁多個歌手，個個都好過自己，拍戲更加係唔得。。。佢唔似阿SA，一出道係唔唱得，但係真係有進步，同埋為自己建立一個市場。。。想當年薯仔曾經為左佢去聽一個唔洗錢既音樂會，以家佢仲停留係同一個LEVEL。

但係做左咁耐，唔做都唔得。。。做得藝人，尤其係半紅不黑既，係好難再轉行。

做左咁耐，先至可以開第一個音樂會。。。。以家上親報紙，通常都係要除衫/爆呔/自己出黎搏宣傳。係我既，我真係會幾心灰意冷。

唔想做(當然，係比著薯仔先唔想做，可能方力申自己仲好想做)，但係仲要逼自己做，仲要逼自己做一D我覺得係幾無尊嚴既事(除住衫/扮拍拖咁比人影相)，我會好唔開心。。。。

呢D純係幕前時方力申比到我既感覺，幕後可能比人小到飛起我唔知。。。但係睇過四大天王，我都知幕後既藝人係會仲辛苦。

----------------------------------------

係，薯仔係唔靚仔，係無方力申咁溝死女，我曾經都羨慕過佢，如果有佢咁大隻/靚仔就好喇(以家睇相，都開始見佢有呢個唔操既後遺症。。。個胸開始DUM到個女人咁)。。。。但係去到以家，薯仔就覺得自己開心過方力申。。係，搵錢係無佢咁多，無佢咁靚仔，無佢咁多女為自己尖叫，但係薯仔樂於做返以家既薯仔。。。如果有得揀，十年前我會揀做方力申，如果有得係十年前睇到十年後既今日，我會揀做今日既薯仔，樂得隱性埋名，活得自在。。。。

道德

薯仔在很小的時候，如果急於小解而附近沒有廁所的話，會被薯媽被逼就地解決。

當然，起碼近十八年都沒有發生過類似事情。

然而十八年後的今日，如果薯仔被審判，薯仔是無容置疑地做出一些不光采的行為，是不容否認，絕對是"錯"的。因為知錯，薯仔十八年來沒有做過類似行為。

------------

對是對，錯是錯。我絕對不會稱十八年前撒的一泡尿，稱之為"春夏之交的天真無邪"。

小fans

睇黎呢個blog要就黎改名，舊時因為得閒而自稱閒人，以家已經變晒。。。。。

------------------------------------

講得太多工作上既事，咁就不如轉一轉講下其他事。。。。有時日做夜做，覺得自己除左工作外，已經無"life"。


可以話薯仔天生有d表現慾，薯仔亦諗過自己會有d"粉絲"時既感覺(唔係普通既support，係一個三唔識七既人純因為薯仔做既某d事情而support)。。。而呢種感覺幾日前無意間有左!

話說，薯仔未寫blog之前(又或者寫緊blog既時候間唔中都有寫)，除左自己寫下diary，亦都會寫下一d網絡小說黎過下手癮。當中既筆名當然唔會公開，正如知我筆名是誰者亦都唔會知道薯仔係以"薯仔"既名義黎寫文，否則知情者越多只會令薯仔曝光機會大增。

當日篇小說曾幾何時在網絡某處流行過，留言者眾，渴望一睹薯仔風采既人亦唔少，但係薯仔係堅持唔會見班讀者朋友，因為薯仔一怕自己身份曝光會惹來無謂指點，二來亦如蘋果既區樂民一樣，我一出黎就會嚇親班讀者，然後對我筆名之後寫既野興趣會大減。

但係點都有三兩個人知道該筆名既人係我(正如總有三兩人知道薯仔係我)，話說當日有d野傾，約左出黎，席間多左個人，言談間知道，該不知名人士應該係慕名先至出席呢次約會。

乍驚(無諗過會見到讀者)乍喜(終於見到fans喇!)下，薯仔膽戰心驚問起。。。"你讀我篇野時，有無諗過寫既人既樣會係點。。。？" 佢無言。。。。相信薯仔令佢幾失望。

席間朋友如常踩薯仔寫既故事時，該fans立即出言維護，薯仔亦沾沾自喜。。。。亦令薯仔諗起，一個小數知道薯仔係該作者既朋友，憶述一日如常落酒吧，言談間和那些"新朋友"略略提過認識那個筆名的人時，那"新朋友"立刻求見。。。。薯仔自己在暗處大笑數日。

-----------------------------------------------------

薯仔還在求學時期時，無乜自我存在感價值問題，薯仔唔係唔識讀書/考試/買名牌/踢波/打波/溝女等，但係無諗過要做某d事去證明自己全在同與別不同，其中好可能一黎薯仔好耐之前已經寫網絡diary (同以家既blog差唔多)，同埋呢一篇故事比到薯仔好大滿足感。。。。

寫，可能要用好多時間，但係唔寫，就唔會有今日既記憶同滿足感。。。薯仔既格言係想做就做，唔傷害到人既野多D嘗試都唔怕，否則到左今日可能我會怨自己點解唔做。。。朋友，你又有無D一直想做但係又無做既事？