假期過後

首先，多謝各位係薯仔放假偷懶時仍繼續支持本blog既朋友(我發覺，原來呢幾日唔寫blog，個瀏覽率都係差唔多)。

之前睇過一d文，話長假過後，好多在職人士都會覺得病病地，因為唔習慣放假同返工兩種唔同既生活。薯仔都係，次次放完長假返黎，尤其係出外旅遊既話，會覺得仲想死，返親工都係擘大隻眼等放工。

-------------------------------------------------------------

假期時，同一d朋友相聚一刻，自不然會傾埋各自職場上既際遇。

時間越耐，各自既際遇會越差越遠，甚至乎，當日出生入死既朋友仔，可能會有埋代溝。

有時經過當日踢過波既球場，出沒過既機舖，泳池，車仔麵檔，都有種感覺。。"唉，原來時間過得咁快。"

好彩，以家同大學既朋友仔仲可以傾得埋，但係中學既，已經唔明點解薯仔返緊一份相對上薪高糧準既工仲唉聲嘆氣。

都係返學既時候好。中學時，放呢d長假，一定約埋圍內既幾個老死，十日假起碼踢兩日波，游一兩日水，打牌，打機，即使係屋企都會連線打下機。。。精力，耗不盡。

以家放呢個"難得"既五日假，頭一兩日一定要訓，訓返對上幾個月無訓既時間，訓到覺得自己終於係一個人，先會諗下要做d乜。。。(當然，仲會有同事係要返公司做野)

認同渣老闆話過，老細係真金白銀買我地返工既時間。。。可憐既係，打工仔如我，捱生捱死，到最後都係要等一年得幾次既長假先有種"時間係自己手"既感覺。

思緒凌亂。。。請見諒。