對好多人黎講(包括薯仔)，返工緊係為左份糧啦!
但係，純為左份糧而返工，其實係幾慘架。
一星期中，工作既時間佔去"清醒"狀態中既薯仔大約一半。如果工作純為左份糧，咁即係人生有一半時間都係"奴役"自己。
薯仔雖然職場唔算事事如意，但係暫時黎講返工還算是快樂。
一黎，辦公室內還算有一兩個朋友。二黎，返工所吸收到既知識，真係令薯仔大開眼界。
有時見到有d同事，因為上左年紀又好，仔細老婆嫩又好，等供樓又好，日日比人少，少到媽媽都唔認得依然唯唯諾諾。。。。。。返工係咁，咁做人都唔慌會開心得去邊。。。我同自己講過好多次，我一定要有bargaining power，到將來既老細係會因為"尊重"我既能力而唔敢DG我。。。
工作上要有滿足感亦都要有一個開心既環境。睇見ck同渣老闆既blog，寫佢地工作上既瑣事，就好似自己真係有個朋友係個球場都踢緊波，而我就係一個普通既球迷，係旁邊喝采，羨慕佢地既生活。。 。因為佢地做每一樣野都會反映出佢地盤生意上，而我，都仲係要做好多好無謂既事。。。我諗佢地返工時，應該會有一個幾愉快既心情？
---------------------------------------------------------------------
有同事話，佢未轉黎以家既公司前，雖然做既野係悶，工作時間係長，但係佢每朝返工都會覺得好充實，係會期盼佢自己今日又可以做到幾多野。。。
我諗，身為打工仔，起身時可以期待自己既工作，又係另一種blessing。。。
(月尾，剛出糧，有所感觸)
4 則留言:
>>返工係咁，咁做人都唔慌會開心得去邊
見到呢句，小弟突然覺得需要認真起來。
1. 究竟因乜，係佢自己錯，定係佢老頂野蠻，所以先比人小？
2. 佢忍辱負重，雖然唔開心，但又為左d乜？
無法...點解要返工？
1. 份人唔醒，加上個人比老細印象已經唔好，做錯乜野都會比人小鑊金。
2. 家庭重擔，正是上有八十高堂下有落地蘇蝦。。 。。
同是天涯小薯人，
在這打工仔通道上同行，
也許不必知道我是誰，
但求快捷解決老闆客人同事的疑問．．．．．．
呢個階段，唯有垂低頭努力學，有日老闆會唔捨得你走
人類五層金字塔中包括最低程度既physical 溫飽，最高程度既係自我實現．打工為乜真係睇自己心態，有ｄ人為左搵食生活（真係維持生命），有ｄ人要黎打發時間，有ｄ人要學野擴闊眼界．．．番工係受氣，但唔係你一個受氣，其實你老板都受緊你氣．．．睇下邊個忍唔住發難渣先．．．如果你將個重點擺係受氣度．．．自然會將打工既理由降格到去「維持生命／活」．．．（雖然我成日都係大佬省完我之後諗住劈炮唔撈，但諗起仲要還關窿．．．唉）
張貼留言