2007年2月23日 星期五

點解要讀書?

薯仔之前寫過一篇拙文,略略寫過點解香港地以家要學足兩文三語。

薯仔睇完杜b兄講關於professional唔值錢既blog,再加上另一d forum又有學生問起我地點解要咁勤力讀書,我又想講兩句。

------------------------------------------------------

薯仔身處中環,一個人地睇落去好似係齊集香港精英既地方。

做緊既大公司,當然除左洗杯嬸嬸,送信叔叔同搬file哥哥外,即使做sec既我諗都可能有張大學cert。

讀得書多真係唔代表你會發達,但係如果用一個大既sample size,讀書讀得多同搵錢多唔多,實會係positive correlated。。。。不過,有d讀到三五七個doctor還未收手既當然另當別論,皆因搵唔搵錢佢地已經無乜所謂。

搵錢搵得多就代表做人一定開心,所以就要讀書讀得多?無錯,其實係唔一定架喎,不過香港地,你搵得錢多,人地覺得你係成功而產生虛榮感外,自己係會有安全感好多。

有錢唔代表你會去用盡,唔代表出入會搭的士,件件都係armani,但係有錢即係代表你有呢個能力去做,感覺會開心好多。

一個例子。薯仔有一個朋友,因為屋企人生左一個腫瘤,應該都係良性,所以公立醫院排年幾先幫佢做手術。朋友既屋企人當然唔安樂,話晒有個瘤,點知會唔會到最後係惡性?

如果無錢,就當然要等,個心十五十六多年幾。。。有錢,羅三五七萬入私家醫院,兩個禮拜內搞掂。。。

---------------------------------------------------------------------

有少少離題。其實讀唔讀書,除左錢外,亦代表一個人既成功感。

ck兄提過,當佢一籌莫展唔知點樣做一個更成功既打工仔時,亦試過去讀一個mba。

讀書讀得叻,結果做野時食蕉大有人在,但係讀書讀得唔叻,有無人比機會你去表現自己亦都係難講,甚至乎可能要捱多一陣先有機會去表現自己。

咁點解一開始讀書時唔證明比人睇你係得既?

--------------------------------------------------------------------

再講多少少。讀書除左一張成績表,由一間學校比一個證明比街外人睇你既才智外,亦都係滿足自己既一個過程。

phy chem bio可能真係之後用唔著,不過經過phy chem bio既鍛鍊,一個人既邏輯性同對世界萬物既了解係會深左。中西史真係唔會有人做野時講起,但係讀完後對世界時勢既了解會深左,對新聞既解讀能力亦會強左,亦可以細味欣賞現有世界既發展。

試諗下,唔比心機讀書,點可以體會到一個架仔拜唔拜靖國神社會搞到咁大件事,勾起國仇家恨?唔讀phy chem bio,又點會深切感受到全球氣溫上升對人類既影響?

最重要係,唔係讀書時學到點樣睇呢個世界,培養自己既價值觀,薯仔都唔會係呢到開blog。。。

--------------------------------------------------------------------

補充一句,一個十幾歲既人仔,除左讀書外係無乜方法可以裝備自己迎接挑戰。係,無錯,係有一d年輕既創業家好成功(尤其之前有個0靚仔搞左檔生意幫香港學生留學中國,呢個idea真係掂!想當年邊有人會咁諗?),其餘既,有好多,好多都係捱世界。

薯仔之前行街,先留意到原來有好多sales年紀係細過薯仔(又一年老既證明)。

唔係做sales唔好,薯仔唔鐘意用職業去界定一個人(反之,薯仔仲好想識多d做sales既朋友仔,買野有折麻!),但係做sales除左較坐寫字樓辛苦外,前途等亦係無咁明朗。

既然如其之後出去捱,點解以家唔開始慢慢讀下書呢。。。。

唉,起碼返寫字樓,見到紅日時都有幾日假放下,同fd去街玩都易d丫。。。

5 則留言:

kenkachemhazard 提到...

講真, 前幾日睇"門徒", 劉德華入"廚房", 鬧人地"呢d係硝酸鉀呀, 中學冇讀過架?", 我都被佢嚇倒了...我真係唔記得喇......

個人培養價值觀, 多聽人地點講係其一, 更重要既係有自己既想法主見, 但呢條想響中學學到? 邊有架...同你唔同, 我係睇blog得多先慢慢開始有...新儒家? give me a break......學宋明理學? 學佛教仲好過, 但中化科只會奉新儒家宋明理學等為正宗, 邊會教你佢地差?

杜B 提到...

其實我想提出另一個問題:相信讀中學嗰陣有好多同學仔都因為升唔到中六或者入唔到U而被迫搵工。好喇,到五年後我完成學士課程,呢D同學仔亦由一個小小 sales 變成 sales supervisor 甚至 shop manager。當大家一拍埋,你會唔會懷疑呢幾年大學嘅用途呢?究竟仲係唔係幾十年前「入大學 = 有前途」?

再多一個問題:如果俾你再揀一次,假設你成績唔好,入U讀數學系 / 物理系 vs 出嚟打工,你會揀邊樣?

匿名 提到...

薯仔兄!

首次到訪, 祝新年快樂!

C.M. 提到...

多謝鼓勵!小弟真係要dic起心肝讀書!日日掛住同個女玩真係唔掂...

hongkongpotato 提到...

on dog兄

歡迎光臨!以後記住多d黎留下言。。。

cm兄

哈哈,個女仲肯比你玩時就好玩喇,薯仔之前睇住一個細路女大,以家我掂下佢都唔夠膽,仲未夠一歲時薯仔就抱住黎舞。。 。。。